Viser og dikt frå Vest-Telemark.no

Viser og dikt

Katharinas kafé

3864 Rauland

I glede over å vera attende på Sondov, Katharinas kafé, tona ein fanfare frå Leif Isaksen sin trompet.

Og så gjekk det slag i slag med morosame historier og dikt om og av Arild Nyquist. Eystein Matheussen leidde publikum gjennom livet hans, som ikkje var riktig så morosamt likevel. Den gode humor har alltid ein bakgrunn i eller ein tone av alvor.”Jeg fikk sorgens gave , og så var jeg skald”, let Henrik Ibsen Jatgejr seia. Mange av tøyseversa til Nyquist, får oss til å sjå ting på ein annan måte. Det var 20 personar som fann vegen til Sondov.

No tysdag skal Tom Nilsen løfte fram ein lyrikar, som nok ikkje er så godt kjent lenger, men likevel fyller sin plass. Ringeriksdiktaren Elling Solheim, ”med skogsus i sjela, kvae på nevene og dikt i hjertet.” Ikkje minst har han gjeve stemme til det å leve med sjukdom.

Alle blir ynskt velkomne til møte med viser og dikt, og tak gjerne med deg noko du vil dele.

Henta frå Amedia. Gå til arrangementssida.