Blåfolk på Vinterfestivalen frå Vest-Telemark.no

Blåfolk på Vinterfestivalen

Folkemusikkscena på Rauland

3864 Rauland

Fredagen under Vinterfestivalen, 16. februar, kjem ei «supergruppe» til Rauland der to folklege sjangrar smelter i hop. Blåtonar, riff på gitar og fele, inderleg song med særeigen stil; blues og folkemusikk har mange likskapar. Gruppa «Blåfolk» meistrar båe sjangrar.

Mattis Kleppen er oppvaksen med ein fot i folkemusikken og den andre i bluesen, og har i seinare tid synt at slåttespel kan gjerast på bassgitar. Meisterspelemannen frå Arabygdi, Ottar Kåsa, hentar fram sitt alter ego, Muddy Myllaren. Anne Gravir Klykken meistrar den vokale folkemusikktradisjonen i Telemark som få andre, medan Rita Engedalen si særeigne bluesstemme har begeistra i fleire tiår. Krona på verket kjem i form av strengekunstnar og slidegitarist Daniel Eriksen.
Dei gjorde suksess på Telemarksfestivalen i fjor, og publikum kan glede seg til det som vert ein variert og spanande konsert i skjeringspunktet mellom blues og folkemusikk framført av ei formidabel supergruppe!
Medverkande: Rita Engedalen – vokal/gitar, Daniel Eriksen – vokal/gitar, Ottar Kåsa – hardingele, Anne Gravir Klykken – vokal, Mattis Kleppen – bass.

Konserten er eit samarbeid mellom Folkemusikkscena og Vinterfestivalen.

Kveldsbilett kr. 300/ 150 (student)
Inkl. dans og dansekonsert m. Jan Beitohaugen Granli

Henta frå Facebook. Gå til arrangementssida.