Ein felles bu- og arbeidsmarknad
Vest-Telemark er ein felles bu- og arbeidsmarknad. Heile regionen kan sjåast under eitt når ein skal vurdere aktuelle jobbar. Det er fullt mogleg å bu i ein kommune og jobbe i ein annan. Familiar som flyttar til Vest-Telemark finn ut at ein godt kan finne to interessante jobbar ved å leite litt utanfor den kjende kommunegrensa.
Arbeidsmarknaden i Vest-Telemark er representert ved eit stort mangfald av offentlege og private arbeidsgjevarar.
Telejobb - søk på bedrifter
Vest-Telemark Næringsforum (VTNF) er eit næringspolitisk organ og ei samling av næringsdrivande i Vest-Telemark. VTNF driv prosjektet TELEJOBB. Prosjektet jobbar med å presentere verksemdene i regionen for deg som arbeidssøkar. Så langt har omlag 25 verksemder registrert seg og arbeidet med å registrere og presentere alle verksemdene i Vest-Telemark held fram utover i 2011.
Tanken er at du skal kunne søke i oversikta over bedrifter i regionen, og sjå om du finn noko som passar for deg.
Finn du noko interessant kan du gå vidare til arbeidsgjevars heimeside, ta direkte kontakt, og sende ein CV.
Kø-fri sone
Alle som har budd i by veit at ein halvtime går fort når køen står. I Vest-Telemark er det ikkje kø. Sjølv om avstanden viser fleire kilometer, treng ikkje reisetida vere lengre enn det ein normalt reknar som OK i bynære strøk.
I tabellen under ser du reisetid i minutt innad i regionen:
| Frå | Til | Reisetid |
| Fyresdal | Seljord | 64 min |
| Åmot | Kviteseid | 34 min |
| Treungen | Kviteseid | 46 min |
| Dalen | Seljord | 43 min |
| Fyresdal | Dalen | 40 min |
| Høydalsmo | Rauland | 34 min |
| Vrådal | Morgedal | 25 min |
