Ta kontakt med landets einaste Bygdelivsmeklar:

Bygdelivsmeklar Elisabeth Lid Tlf: 408 57 748 E-post: elSPAMFILTER@vtnu.no <elSPAMFILTER@vtnu.no> (Fjern SPAMFILTER fra adressen)

Bygdelivsmeklaren i Vest-Telemark jobbar med rekruttering gjennom ulike prosjekt

På bakgrunn av erfaringar gjort i prosjektet ”Vi snur vinden – fleire folk til Vest-Telemark”, og andre rekrutterings- og bygdeutviklingsprosjekt, ynskjer Bygdelivsmeklaren å fortsetje arbeidet i prosjektet ”Bulyst – gje det vidare!”.

Bulyst - gje det vidare!

Målet med ”Bulyst – gje det vidare!” er å skape ein region som er attraktiv å bu i og flytte til, utvikle trygge, bærekraftige bustadmiljø, og gjennom dette oppnå befolkningsauke. Me ynskjer altså å rekruttere nye innflyttarar og å legge til rette for at dei som bur her, blir verande.

Me ynskjer å skape bulyst og blilyst

Me vil i dette prosjektet vere spesielt opptekne av innbyggarane si rolle og deira ansvar i høve til utfordringane med fråflytting frå regionen. Ein har sett verdien av å bevisstgjere og gje ansvar til dei som allereie bur her.

Alle innbyggarane i Vest-Telemark har ei vertskapsrolle

For å skape bulyst er det avgjerande at Bygdelivsmeklaren si vertskapsrolle vert vidareført i alle ledd; kommunalt og lokalt ute i grendene.