Jazz-elskarar stimar mot New Orleans, Elvis-fans samlar seg i Memphis, ski-entusiastar kjem i flokk til den vesle fjellbygda Morgedal. Kva har dei til felles? Dei jaktar på det originale…
Nordmenn har nytta ski som framkomstmiddel i over 4000 år. Utforkøyring som vi kjenner det i dag, blei meir enn noko anna utvikla av ein fattig gardsarbeidar – Sondre Norheim – på 1800-talet.
Kven var han – denne karismatiske personen som endra utforminga av skiene og gav oss verdas første ski med innsving og full hælbinding? Kvar budde han, og kva var det med terrenget han voks opp i som inspirerte han til å utvikle ski og skiteknikkar berre for å kunne nyte gleda av full fart utfor bakkane?
Svara ventar på deg i Morgedal, denne magiske vesle bygda som gav verda den moderne skisporten.
Kanskje er det på tide å leggje ut på ei ski-pilgrimsferd til Morgedal. Her finn du ikkje prangande skiheisanlegg, moteriktige in-stader eller designer skiutstyr – berre verdas første slalåmløyper, framleis i original profil, og ein dal der folk alltid har kjent skiløypar-gleda.
Morgedal – på tide å gjera alvor av det!
Aktuelt
Velkomen til Morgedal måndag 8. juli kl. 19.00. Det blir foredrag og bilde/filmframsyning frå ein sørpoltur i desember 2011 samt prøvesmaking av pemmikan og Amundsens havrekjeks.
Sondre sin bursdag var markera på Norsk Skieventyr måndag 10. juni. Kvelden vart innleia med eit lite historisk tilbakeblikk før ordførar Torstein Tveito overrekte Kongens fortenestemedalje til Åsmund Kleiv.
Ordalsåta Opp er eit bakkeløp i hjartet av Telemark som startar ved Nystaulvatnet 619 moh og har målgang på Ordalsåta 1137 moh. Ein flott tur i vakker natur og ikkje minst, kjempeutsikt frå Kviteseid kommune nest høgaste fjell.
Morgedal IL skal saman med instruktør Tine Raisbæk ha oppstartkurs i kajakkpadling torsdag 6. juni. Oppmøte er kl. 16.30. på Morgedal Camping.
Måndag 10. juni er Sondre sin bursdag, og i tradisjonens tru vil me feire den. Dagen etter, 11. juni er det 100 år sidan kvinner fekk røysterett i Noreg, og det ynskjer me å markere med premiere på førestillinga «Fire kvinner i tid og rom».
Som vanleg, mykje folk deltok på årets markering av 17. mai. Toget starta ved Norsk Skieventyr og enda ved Morgedal Grendehus.
Sondre vart ingen storbonde i Morgedal eller i Nord Dakota, men han var nok ein bondeven, husmannen. Vil du ha god norsk mat kan du besøke Innsvingen Kafé som er ope heile året.
Ute i verda er programmet kjent som "New Scandinavian Cooking", og i Noreg blir det sendt av TV2 i programmet «Ein bit av Noreg».
Museum, butikk og Innsvingen Kafé har ope alle dagar, heile veka. Treng du mat til eit selskap, eller du har behov for eit lokale til kurs eller ei samling, kan me hjelpe deg.
Morgedalsleikane 2013 vart som vanleg arrangert fyrste helga i mars. Laurdag 2. mars var det klassisk telemarkrenn og telecross på Øverbø/Kleiv. Sundag 3. mars var det felles topptur til Hovundvarden.
